01.08.2012

Молитвы о здравии

Богородица особо почитается в православной традиции. Ей молятся как заступнице перед Богом. Вот примеры молитв о здравии, которые следует читать перед определенными иконами Пресвятой Девы

Богородица особо почитается в православной традиции. Ей молятся как заступнице перед Богом. Вот примеры молитв о здравии, которые следует читать перед определенными иконами Пресвятой Девы.

Икона «Отрада и Утешение»

Молитва от болезней №1

Надежда всем концем земли, Пречистая Дево Богородице, Утешение и Отрадо наша! Не гнушайся нас грешных, на Твою бо милость уповаем. Угаси пламень греховный и покаянием ороси изсохшие сердца наша. Очисти ум наш от греховных помышлений. Приими моления от души и сердца, с воздыханием Тебе приносимые. Буди Ходатаица о нас к Сыну Твоему и Богу и отврати гнев Его от нас Матерними молитвами. Укрепи в нас веру православную, вложи в нас дух страха Божия, дух смирения, терпения и любви. Душевныя и телесныя язвы исцели, утиши бурю злых нападений вражеских. Отыми бремя грехов наших и не остави нас до конца погибнути. Подаждь нам милость Твою и святое благословение Свое всем зде предстоящим и молящимся и всегда пребывай с нами, подавая приходящим к Тебе отраду и утешение, помощь и заступление, да славим и величаем Тя вси до последняго нашего воздыхания. Аминь.

Икона «Отрада и Утешение»

Молитва от болезней №2

О Пресвятая Дево, Мати Господа, Царице Небесе и земли! Вонми многоболезненному воздыханию души нашея, призри с высоты святыя Твоея на нас, с верою и любовию поклоняющихся Пречистому образу Твоему. Се бо грехми погружаемии, скорбьми обурваемии, взирая на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорабящих и обремененных! Помози нам немощным, утоли скорбь нашу, настави на путь правый нас заблуждающих, уврачуй и спаси надежных, даруй нам прочее время живота нашего в мире и тишине проводите, подаждь христианскую кончину и на страшному суде Сына Твоего явися нам, Милосердая Заступница, да всегда поем, величаем и славим Тя, яко благую Заступницу рода христианскаго, со всеми угодившими Богу. Аминь.

Икона «Успение»

Молитва от недугов №1

О Пресвятая и Преблагословенная Мати Господа и Спаса нашего Иисуса Христа, Пречистая Приснодево Богородице Марие! Припадаем и покланяемся Тебе пред святою и чудотворною иконою Твоею, юже от лет древних чудесы многими и исцеленьми прославити благоизволила еси. Смиренно молимся Тебе, Благой и Милосердой Заступнице нашей: предстателством угодников Твоих преподобных Антония и Феодосия Печерских, вонми гласу грешных молений наших, не презри воздыханий от души, виждь скорби и беды нас обышедшии, и яко любвеобильная воистину Мати потщися на помощь нам, беспомощным, унылым, во многая и тяжкия грехи впадшим и присно прогневляющим Господа и Создателя нашего. Его же умоли, Предстательнице наша, да не погубит нас со беззаконии нашими, но да явит нам человеколюбивую Свою милость. Испроси, Владычице, у благости Его всем православным христианам здравие и душевное спасение, благочестное и мирное житие, земли плодоносие, воздуха благорастворение, дождие благовременныя и благословение свыше на вся благая дела и начинания наша; болящия исцели, скорбящия утеши, бедствующия помози; споспеши всем нам носити иго Христово в терпении и смиренномудрии и сподоби нас благочестно житие земное скончати, христианскую же непостыдную кончину получити и небесное Царствие унаследовати.

О Царице Всепетая, Мати Божия Всеблагая! Простри Богоноснии руце Твои к возлюбленному Сыну Твоему и Богу нашему, умоли Его спасти и избавити от погибели вечныя всех иноков обители Твоея Печерския. Яко же древле на горе Печерстей милость являла еси, Владычице, сице и ныне яви, Богородице, Твоя щедроты над обителию Твоею и над нами, недостойными чады Твоими; да и зде в земном странствовании нашем, и по кончине живота нашего будем прославлять Безначальнаго Отца, Единороднаго Его Сына, и Единасущнаго и Святаго Его Духа, и Твое милостивное предстательство во веки веков. Аминь.

Образ Пресвятой Богородицы «Целительница» (эти две молитвы совершаются в том случае, если вы не нашли конкретной молитвы к Пресвятой Богородице об исцелении вашего недуга. Их можно читать перед любой иконой Пресвятой Богородицы.)

Молитва от болезней №1

О Пресвятая Госпоже Владычице Богородице! Воздвигни нас, раб Божиих (имена, имя) из глубины греховныя и избави нас от внезапныя смерти и от всякого зла. Подаждь, Госпоже, нам мир и здравие и просвети нам ум и очи сердечныя, еже ко спасению, и сподоби ны, грешный рабы Твоя, Царствия Сына Твоего, Христа Бога нашего: яко держава Его благословенна со Отцем и Пресвятым Его духом.

Молитва от болезней №2

Царице наша преблагая, надежде наша Богородице, приятилище сирых и странных предстательнице, скорбящих радосте, обидимых покровительнице, зриши нашу беду, зриши нашу скорбь: помози нам яко немощным, окорми нас яко странных: обиду нашу веси, разреши ту, яко волиши, яко не имамы иныя помощи, разве Тебе, ни иныя предстательницы, токмо Тебе, Богомати, яко да сохраниши нас и покрыеши, во веки веков. Аминь…

Рубрика: Общество

Поделиться статьей
Рейтинг@Mail.ru Яндекс.Метрика